hum teri takzib kar sakte nahin

ai zamāne

ham tirī takzīb kar sakte nahīñ

tū ne haTā.e parda-hā-e-ḳhushnumā

vo jin ke pīchhe chhup ke baiThī

zindagī pahchān bhī paate to kaise

ai zamāne

ham tirī takzīb kar sakte nahīñ

kāñToñ pe tū ne jab ghasīTā to

subuk phūloñ meñ talne kī

kitābī ḳhvāhishoñ se jaan chhūTī

ai zamāne tū ne ham ko

tajraba-e-gāh-e-nafī meñ

lā ke pheñkā to

tabāh zaat kī

aslī guzargāhoñ kā nazāra milā

ai zamāne ham ko batlāyā hai tū ne

dūsroñ ke paañv meñ rahne

paḌe rahne se

vo jā āstāna dil kā ban saktī nahīñ

man kī murādeñ bar to aatī haiñ

magar apne hī dar ko khaTkhaTāne se

lagan ko āzmāne se

zamāne ham tirī

ai zamane

hum teri takzib kar sakte nahin

tu ne haTae parda-ha-e-KHushnuma

wo jin ke pichhe chhup ke baiThi

zindagi pahchan bhi pate to kaise

ai zamane

hum teri takzib kar sakte nahin

kanTon pe tu ne jab ghasiTa to

subuk phulon mein talne ki

kitabi KHwahishon se jaan chhuTi

ai zamane tu ne hum ko

tajraba-e-gah-e-nafi mein

la ke phenka to

tabah zat ki

asli guzargahon ka nazara mila

ai zamane hum ko batlaya hai tu ne

dusron ke panw mein rahne

paDe rahne se

wo ja aastana dil ka ban sakti nahin

man ki muraden bar to aati hain

magar apne hi dar ko khaTkhaTane se

lagan ko aazmane se

zamane hum teri