hamara bakra

sab kī ā.ankhoñ kā hai taarā bakrā

kitnā pyārā hai hamārā bakrā

ahl-e-duniyā ne dikhā.ī jo chhurī

samt-e-uqbā ko sidhārā bakrā

us kī sehhat kā bhalā raaz hai kyā

misl-e-gā.e hai tumhārā bakrā

ham ne samjhā hai anā kā ḳhūgar

''meñ-meñ'' kar ke jo pukār bakrā

jaise be-chāra ho faaqe se niDhāl

is tarah khātā hai chāra bakrā

terī āvāz meñ hai soz-o-gudāz

dil ko khīñche tirā na.ara bakrā

aah zālim vo qasā.ī bhaa.ī

haa.e mazlūm bichāra bakrā

chor-uchakkoñ se hifāzat ke liye

bāñdh kar rakhiye ḳhudā-rā bakrā

sab ki aaankhon ka hai tara bakra

kitna pyara hai hamara bakra

ahl-e-duniya ne dikhai jo chhuri

samt-e-uqba ko sidhaara bakra

us ki sehhat ka bhala raaz hai kya

misl-e-gae hai tumhaara bakra

hum ne samjha hai ana ka KHugar

men-men kar ke jo pukar bakra

jaise be-chaara ho faqe se niDhaal

is tarah khata hai chaara bakra

teri aawaz mein hai soz-o-gudaz

dil ko khinche tera nara bakra

aah zalim wo qasai bhai

hae mazlum bichaara bakra

chor-uchakkon se hifazat ke liye

bandh kar rakhiye KHuda-ra bakra