hamara pyara des

baat ye saare jag pe ayaañ hai

des hamārā bāġh-e-jināñ hai

ham sab kī izzat kā nishāñ hai

naam is des kā hindostāñ hai

pyārā pyārā des hamārā

des hamārā pyārā pyārā

āb-o-havā hai ḳhuub yahāñ kī

dil kī zamīñ mahbūb yahāñ kī

har har shai marġhūb yahāñ kī

āzādī matlūb yahāñ kī

pyārā pyārā des hamārā

des hamārā pyārā pyaar

sub.h-e-banaras is kī pyārī

shaam avadh kī is meñ nyārī

gangā jamunā dariyā jaarī

is kī shobhā ke balihārī

pyārā pyārā des hamārā

des hamārā pyārā pyārā

har vaadī zarḳhez yahāñ kī

har khetī zar-rez yahāñ kī

dhuup masarrat-bez yahāñ kī

sardī dil-āvez yahāñ kī

pyārā pyārā des hamārā

des hamārā pyārā pyārā

aao des ke ham gun gaa.eñ

des kī ḳhidmat kar ke dikhā.eñ

des kā apne maan baḌhā.eñ

sher ye 'nayyar' kā dohrā.eñ

pyārā pyārā des hamārā

des hamārā pyārā pyārā

baat ye sare jag pe ayan hai

des hamara bagh-e-jinan hai

hum sab ki izzat ka nishan hai

nam is des ka hindostan hai

pyara pyara des hamara

des hamara pyara pyara

aab-o-hawa hai KHub yahan ki

dil ki zamin mahbub yahan ki

har har shai marghub yahan ki

aazadi matlub yahan ki

pyara pyara des hamara

des hamara pyara pyar

subh-e-banaras is ki pyari

sham awadh ki is mein nyari

ganga jamuna dariya jari

is ki shobha ke balihaari

pyara pyara des hamara

des hamara pyara pyara

har wadi zarKHez yahan ki

har kheti zar-rez yahan ki

dhup masarrat-bez yahan ki

sardi dil-awez yahan ki

pyara pyara des hamara

des hamara pyara pyara

aao des ke hum gun gaen

des ki KHidmat kar ke dikhaen

des ka apne man baDhaen

sher ye 'nayyar' ka dohraen

pyara pyara des hamara

des hamara pyara pyara