hamare darmiyan jo rabt tha

bahut shādāñ-o-farhāñ ho

sunā hai

zindagī kī ne.amateñ āsā.isheñ

jo tum ne chāhī thiiñ

mayassar haiñ

bhare ghar meñ

har ik kī aañkh kā taarā banī

masrūf roz-o-shab

bahut ḳhush-kām rahtī ho

bahut ḳhush-kām rahtī ho

ḳhudā tum ko hayāt-e-shādmāñ baḳhshe

farozāñ ho har ik lamha bahār-e-aish-o-ishrat se

yahāñ maiñ mutma.in huuñ

roz-o-shab kī chīra-dastī se

bahut mahfūz

shādāñ aur farhāñ

zindagī kī dauḌ meñ sab marhaloñ par

kāmrāñ

ḳhush-kām

zinda huuñ

bahut hī ḳhūbsūrat moḌ thā

apnī judā.ī kā

zabāñ larzī na koī dukh huā āvāz meñ shāmil

shikast-e-ḳhvāb kā nauha

na marg-e-ārzū kā ġham

koī ehsās-e-mahrūmī

na ehsās-e-ziyāñ koī

jabīnoñ par shikan aa.ī

na palkoñ par sitāre TuuT kar bikhre

na chehroñ par taraddud ke nishāñ ubhre

na tum karb-e-judā.ī se taḌap uTThīñ

na maiñ royā

hamāre darmiyāñ

jo rabt thā

kyā naam thā us kā

bahut shadan-o-farhan ho

suna hai

zindagi ki neamaten aasaishen

jo tum ne chahi thin

mayassar hain

bhare ghar mein

har ek ki aankh ka tara bani

masruf roz-o-shab

bahut KHush-kaam rahti ho

bahut KHush-kaam rahti ho

KHuda tum ko hayat-e-shadman baKHshe

farozan ho har ek lamha bahaar-e-aish-o-ishrat se

yahan main mutmain hun

roz-o-shab ki chira-dasti se

bahut mahfuz

shadan aur farhan

zindagi ki dauD mein sab marhalon par

kaamran

KHush-kaam

zinda hun

bahut hi KHubsurat moD tha

apni judai ka

zaban larzi na koi dukh hua aawaz mein shamil

shikast-e-KHwab ka nauha

na marg-e-arzu ka gham

koi ehsas-e-mahrumi

na ehsas-e-ziyan koi

jabinon par shikan aai

na palkon par sitare TuT kar bikhre

na chehron par taraddud ke nishan ubhre

na tum karb-e-judai se taDap uTThin

na main roya

hamare darmiyan

jo rabt tha

kya nam tha us ka