بہت شاداں و فرحاں ہو
سنا ہے
زندگی کی نعمتیں آسائشیں
جو تم نے چاہی تھیں
میسر ہیں
بھرے گھر میں
ہر اک کی آنکھ کا تارا بنی
مصروف روز و شب
بہت خوش کام رہتی ہو
بہت خوش کام رہتی ہو
خدا تم کو حیات شادماں بخشے
فروزاں ہو ہر اک لمحہ بہار عیش و عشرت سے
یہاں میں مطمئن ہوں
روز و شب کی چیرہ دستی سے
بہت محفوظ
شاداں اور فرحاں
زندگی کی دوڑ میں سب مرحلوں پر
کامراں
خوش کام
زندہ ہوں
بہت ہی خوب صورت موڑ تھا
اپنی جدائی کا
زباں لرزی نہ کوئی دکھ ہوا آواز میں شامل
شکست خواب کا نوحہ
نہ مرگ آرزو کا غم
کوئی احساس محرومی
نہ احساس زیاں کوئی
جبینوں پر شکن آئی
نہ پلکوں پر ستارے ٹوٹ کر بکھرے
نہ چہروں پر تردد کے نشاں ابھرے
نہ تم کرب جدائی سے تڑپ اٹھیں
نہ میں رویا
ہمارے درمیاں
جو ربط تھا
کیا نام تھا اس کا
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
