حمد گاتی ہے زمیں
مالک ارض و سما کو یاد کرتا ہے جہاں
حمد گاتی ہے زمیں تسبیح پڑھتا آسماں
ہاتھ باندھے پیڑ سارے جنگلوں میں ہیں کھڑے
سب مویشی اس کی عظمت میں رکوع کرتے ہوئے
جانور سب رینگتے سجدے میں ہیں گویا پڑے
ذرہ ذرہ اس زمیں کا رب کا ہے تسبیح خواں
یاد کرتا ہے خدا کو ہر گھڑی سارا جہاں
یہ زمیں اللہ کی حمد و ثنا میں ہے مگن
اس کی پاکی کو بیاں کرتا ہوا نیلا گگن
عظمت رب کے قصیدہ خواں ہیں یہ کوہ و دمن
اک اسی کے نام سے روشن ہوئے کون و مکاں
یاد کرتا ہے خدا کو ہر گھڑی سارا جہاں
اس کی عظمت کے شواہد چار جانب ہیں عیاں
ہے ہر اک ذرے کے دل میں مالک ملک جہاں
کیوں مگر انسان اپنے رب سے غافل ہے یہاں
مالک ارض و سما کو یاد کرتا ہے جہاں
حمد گاتی ہے زمیں تسبیح پڑھتا آسماں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
