hamd ka tarana

jab roz saverā hotā hai

jab duur añdherā hotā hai

jab duniyā ke is gulshan meñ

phir nuur kā pherā hotā hai

ek ek kalī khil jaatī hai aur ik ik chiḌiyā gaatī hai

is aise suhāne manzar meñ allāh tirī yaad aatī hai

allāh tirī yaad aatī hai

ye duniyā rañg badaltī hai

phir ek na.ī kal chaltī hai

ye duniyā hai maidān-e-amal

is kal se taan nikaltī hai

har zinda hastī is kī sadā par kāmoñ meñ lag jaatī hai

is aise suhāne manzar meñ allāh tirī yaad aatī hai

allāh tirī yaad aatī hai

khetoñ par dahqāñ jaate haiñ

khetī meñ jaan khapāte haiñ

din-bhar kī saḳhtī sah sah kar

ārām kī rāhat paate haiñ

jab aas harī khetī kī un ko mehnat par uksātī hai

is aise suhāne manzar meñ allāh tirī yaad aatī hai

allāh tirī yaad aatī hai

ham nek irāde karte haiñ

sustī bekārī se Darte haiñ

har roz sadā aage hī baḌheñ

aise jiine par marte haiñ

jab nekī nuur kā partav ban kar chehroñ ko chamkātī hai

is aise suhāne manzar meñ allāh tirī yaad aatī hai

allāh tirī yaad aatī hai

jab ham sab paḌhne aate haiñ

aapas meñ ghul-mil jaate haiñ

jab sab ke sab ḳhush ho ho kar

'nayyar' kā naġhma gaate haiñ

jab aapas kī ye jot sabhī ke sīnoñ ko garmāti hai

is aise suhāne manzar meñ allāh tirī yaad aatī hai

allāh tirī yaad aatī hai

allāh tirī yaad aatī hai

jab roz sawera hota hai

jab dur andhera hota hai

jab duniya ke is gulshan mein

phir nur ka phera hota hai

ek ek kali khil jati hai aur ek ek chiDiya gati hai

is aise suhane manzar mein allah teri yaad aati hai

allah teri yaad aati hai

ye duniya rang badalti hai

phir ek nai kal chalti hai

ye duniya hai maidan-e-amal

is kal se tan nikalti hai

har zinda hasti is ki sada par kaamon mein lag jati hai

is aise suhane manzar mein allah teri yaad aati hai

allah teri yaad aati hai

kheton par dahqan jate hain

kheti mein jaan khapate hain

din-bhar ki saKHti sah sah kar

aaram ki rahat pate hain

jab aas hari kheti ki un ko mehnat par uksati hai

is aise suhane manzar mein allah teri yaad aati hai

allah teri yaad aati hai

hum nek irade karte hain

susti bekari se Darte hain

har roz sada aage hi baDhen

aise jine par marte hain

jab neki nur ka partaw ban kar chehron ko chamkati hai

is aise suhane manzar mein allah teri yaad aati hai

allah teri yaad aati hai

jab hum sab paDhne aate hain

aapas mein ghul-mil jate hain

jab sab ke sab KHush ho ho kar

'nayyar' ka naghma gate hain

jab aapas ki ye jot sabhi ke sinon ko garmati hai

is aise suhane manzar mein allah teri yaad aati hai

allah teri yaad aati hai

allah teri yaad aati hai