hamein yaqin hai

daraḳht hai ye ḳhizāñ-girafta

sulagtī vīrāniyoñ

dahakte sukūt kī ik dabīz chādar ko oḌhe

hairān-o-muztarib sā

ki jaise manzil pe luTne vaalā koī musāfir

ba-bātin-e-afsurda-ḳhātir

aur mutma.in ba-zāhir

ki ālam-e-be-bizā.atī hai

na phal hai koī na ġhuncha-o-gul na sabz patte

na vo lachaktī mahaktī shāḳheñ

haiñ sar se pā tak ḳhizāñ kī tārīkiyāñ musallat

kiran kiran mar chukī

umīdeñ dhuāñ dhuāñ haiñ

bujhā bujhā hai daraḳht

lekin bujhe bujhe se daraḳht meñ sabz raushnī so rahī hai ab bhī

hameñ yaqīñ hai

bahār kī rut jab aa.egī

to jagā.egī sabz raushnī ko

daraḳht phir jagmagā uThegā

hayāt kī sabz raushnī se

hameñ yaqīñ hai

daraKHt hai ye KHizan-girafta

sulagti viraniyon

dahakte sukut ki ek dabiz chadar ko oDhe

hairan-o-muztarib sa

ki jaise manzil pe luTne wala koi musafir

ba-baatin-e-afsurda-KHatir

aur mutmain ba-zahir

ki aalam-e-be-bizaati hai

na phal hai koi na ghuncha-o-gul na sabz patte

na wo lachakti mahakti shaKHen

hain sar se pa tak KHizan ki tarikiyan musallat

kiran kiran mar chuki

umiden dhuan dhuan hain

bujha bujha hai daraKHt

lekin bujhe bujhe se daraKHt mein sabz raushni so rahi hai ab bhi

hamein yaqin hai

bahaar ki rut jab aaegi

to jagaegi sabz raushni ko

daraKHt phir jagmaga uThega

hayat ki sabz raushni se

hamein yaqin hai