wo

vo kitāb-e-husn vo ilm o adab kī tāliba

vo mohazzab vo muaddab vo muqaddas rāhiba

kis qadar pairāya parvar aur kitnī sāda-kār

kis qadar sanjīda o ḳhāmosh kitnī bā-vaqār

gesu-e-pur-ḳham savād-e-dosh tak pahuñche hue

aur kuchh bikhre hue uljhe hue simTe hue

rañg meñ us ke azāb-e-ḳhīrgī shāmil nahīñ

kaif-e-ehsāsāt kī afsurdagī shāmil nahīñ

vo mire aate hī us kī nukta-parvar ḳhāmushī

jaise koī huur ban jaa.e yakāyak falsafī

mujh pe kyā ḳhud apnī fitrat par bhī vo khultī nahīñ

aisī pur-asrār laḌkī maiñ ne dekhī hī nahīñ

duḳhtarān-e-shahr kī hotī hai jab mahfil kahīñ

vo ta.āruf ke liye aage kabhī baḌhtī nahīñ

wo kitab-e-husn wo ilm o adab ki taliba

wo mohazzab wo muaddab wo muqaddas rahiba

kis qadar pairaya parwar aur kitni sada-kar

kis qadar sanjida o KHamosh kitni ba-waqar

gesu-e-pur-KHam sawad-e-dosh tak pahunche hue

aur kuchh bikhre hue uljhe hue simTe hue

rang mein us ke azab-e-KHirgi shamil nahin

kaif-e-ehsasat ki afsurdagi shamil nahin

wo mere aate hi us ki nukta-parwar KHamushi

jaise koi hur ban jae yakayak falsafi

mujh pe kya KHud apni fitrat par bhi wo khulti nahin

aisi pur-asrar laDki main ne dekhi hi nahin

duKHtaran-e-shahr ki hoti hai jab mahfil kahin

wo taaruf ke liye aage kabhi baDhti nahin