happy birthday to me

shaam se mere sāmne

Table par ik cake rakhā thā

sham'eñ bhī kitnī thiiñ lekin

ab ke jalnā mujh ko paḌā thā

tanhā baiTh ke soch rahā thā

ab to shaam ke āḳhirī pal haiñ

ab kī baar vo ye din kaise bhuul gayā hai

kyā vo aane se qāsir hai

lekin phone to kar saktā thā

s-m-s to kar saktā thā

phir maiñ ne dil ko samjhāyā

shāyad koī majbūrī ho

āḳhir āñkhoñ ke paanī se ḳhud ko bujhā kar

sālgirah kā cake bhī maiñ ne kaaT diyā hai

chhurī chalī hai cake pe lekin

dil par gahrā zaḳhm lagā hai

sham se mere samne

Table par ek cake rakha tha

sham'en bhi kitni thin lekin

ab ke jalna mujh ko paDa tha

tanha baiTh ke soch raha tha

ab to sham ke aaKHiri pal hain

ab ki bar wo ye din kaise bhul gaya hai

kya wo aane se qasir hai

lekin phone to kar sakta tha

s-m-s to kar sakta tha

phir main ne dil ko samjhaya

shayad koi majburi ho

aaKHir aankhon ke pani se KHud ko bujha kar

salgirah ka cake bhi main ne kaT diya hai

chhuri chali hai cake pe lekin

dil par gahra zaKHm laga hai