haqiqat

titlī jugnū rang-o-ḳhushbū

gul-o-bulbul jaise

isti'āre nahīñ haiñ paas mire

kyūñke maiñ ne

sisaktī sulagtī taḌaptī huī

zindagī ko dekhā hai

khulī aañkh se

maiñ ne dekhī hai

lahū se tar saḌkeñ

maiñ ne dekhe haiñ general ward meñ

bebasī se eḌiyāñ ragaḌte hue

bachche būḌhe lāchār

maiñ ne dekhī haiñ

roTī ke badle

ridā hotī huī

tār-tār

mire shu'ūr meñ

aaj bhī taaza hai

'sāra-shagufta’ ke binā kafan ke

phuul jaise bachche kī laash

maiñ ne dekhī hai

masjid kī TūTtī huī mehrāb

ab mirī be-nūr āñkheñ

kaise dekhe koī hasīn ḳhvāb

titli jugnu rang-o-KHushbu

gul-o-bulbul jaise

isti'are nahin hain pas mere

kyunke main ne

sisakti sulagti taDapti hui

zindagi ko dekha hai

khuli aankh se

main ne dekhi hai

lahu se tar saDken

main ne dekhe hain general ward mein

bebasi se eDiyan ragaDte hue

bachche buDhe lachaar

main ne dekhi hain

roTi ke badle

rida hoti hui

tar-tar

mere shu'ur mein

aaj bhi taza hai

'sara-shagufta’ ke bina kafan ke

phul jaise bachche ki lash

main ne dekhi hai

masjid ki TuTti hui mehrab

ab meri be-nur aankhen

kaise dekhe koi hasin KHwab