harakat-e-makus

nizām-e-sarmāya-dārī kaam apnā dikhā chukā hai

har taraf aag lag chukī hai

tijārat-e-ġham panap rahī hai

dukhoñ kā kārobār baḌh gayā hai

global village kī āzād-market meñ

husūl-e-insāf anqā ho chukā hai

āzādī-e-rā.e ke naam par pechīda afkār pak rahe haiñ

kahīñ pe science fat.h ke na.are lagā rahī hai

kahīñ pe insāniyat apnā chehra chhupā rahī hai

ajiib jañgī junūñ kā duniyā ko sāmnā hai

fan-e-tash.hīr ne masnūāt-e-nāqis ko bhī

kāmiliyyat kā darja atā kiyā hai

ye daur-e-irtiqā to harakat-e-ma.akūs ban chukā hai

nizam-e-sarmaya-dari kaam apna dikha chuka hai

har taraf aag lag chuki hai

tijarat-e-gham panap rahi hai

dukhon ka karobar baDh gaya hai

global willage ki aazad-market mein

husul-e-insaf anqa ho chuka hai

aazadi-e-rae ke nam par pechida afkar pak rahe hain

kahin pe science fath ke nare laga rahi hai

kahin pe insaniyat apna chehra chhupa rahi hai

ajib jangi junun ka duniya ko samna hai

fan-e-tashhir ne masnuat-e-naqis ko bhi

kaamiliyyat ka darja ata kiya hai

ye daur-e-irtiqa to harakat-e-makus ban chuka hai