harf

vo harf-e-āḳhir kahāñ gayā hai

vo harf jis kī tahoñ meñ apnī

mohabbatoñ kī jo ik kahānī chhipī huī thī

vo ik kahānī ki jis kī rau se hī umr bhar kā

qarār paate bahār paate

mohabbatoñ meñ surūr dil kā surāġh paate

vo harf-e-āḳhir kahāñ gayā hai

vo harf jo ik shajar kī sūrat

hamāre gulshan-numā makāñ meñ

bahut aziyyat bharī fazā meñ

ḳhizāñ ke mausam ke dā.eroñ se

guzar ke fasl-e-bahār laatā

vo harf āḳhir kahāñ gayā hai

vo harf hī to hamāre sar par

jo ek sāya-numā shajar thā

ki jis ke saa.e meñ rah ke ham sab

dukhoñ ke saare

azaab ke din

ḳhushī ḳhushī hī guzār lete

vo harf-e-āḳhir

bichhaḌ ke ham se

kahāñ gayā hai

ye saarā qissa

bayān kar ke

jo aaj ham ne kisī se pūchhā

vo ġhaur kar ke

alāmatoñ ko samajh ke sanjīdgī se bolā

'azīm' vo harf mar chukā hai

wo harf-e-aKHir kahan gaya hai

wo harf jis ki tahon mein apni

mohabbaton ki jo ek kahani chhipi hui thi

wo ek kahani ki jis ki rau se hi umr bhar ka

qarar pate bahaar pate

mohabbaton mein surur dil ka suragh pate

wo harf-e-aKHir kahan gaya hai

wo harf jo ek shajar ki surat

hamare gulshan-numa makan mein

bahut aziyyat bhari faza mein

KHizan ke mausam ke daeron se

guzar ke fasl-e-bahaar lata

wo harf aaKHir kahan gaya hai

wo harf hi to hamare sar par

jo ek saya-numa shajar tha

ki jis ke sae mein rah ke hum sab

dukhon ke sare

azab ke din

KHushi KHushi hi guzar lete

wo harf-e-aKHir

bichhaD ke hum se

kahan gaya hai

ye sara qissa

bayan kar ke

jo aaj hum ne kisi se puchha

wo ghaur kar ke

alamaton ko samajh ke sanjidgi se bola

'azim' wo harf mar chuka hai