harjai

shaam lauT aa.ī ghanī tārīkī

ab na aa.egī ḳhabar raahī kī

jaagī tāroñ kī har ik rāh-guzār

duur uḌtā nazar aatā hai ġhubār

aap kī bāteñ haiñ kitnī phīkī

kis kī raah taktī ho kaun aane lagā

kyā tumheñ bhī koī bahkāne lagā

un kī āñkheñ haiñ ki ḳhvāboñ kā fusūñ

un kī bāteñ haiñ ki ulfat kā junūñ

aap ko kaahe kā ġham khāne lagā

nīm-shab niiñd ke maate taare

raah tak tak ke kisī kī haare

kis qadar sachchī thiiñ un kī bāteñ

un ke saath aa.ī ga.ī thiiñ rāteñ

aap ke haath haiñ yā añgāre

maiñ bhī samjhī thī use dil ke qarīb

merī ma.asūm bahan merī raqīb

kyā kahā aapā nahīñ chup rahiye

achchhā kah Dāliye kahiye kahiye

aap kī āñkheñ haiñ kis qadr muhīb

sub.h ruk ruk ke sitāre Duube

ġham na khaao ki jo haare Duube

aapā jī bhar ke mujhe rone deñ

ġham kī maujoñ meñ fanā hone deñ

kaun sāhil ke sahāre Duube

sham lauT aai ghani tariki

ab na aaegi KHabar rahi ki

jagi taron ki har ek rah-guzar

dur uDta nazar aata hai ghubar

aap ki baaten hain kitni phiki

kis ki rah takti ho kaun aane laga

kya tumhein bhi koi bahkane laga

un ki aankhen hain ki KHwabon ka fusun

un ki baaten hain ki ulfat ka junun

aap ko kahe ka gham khane laga

nim-shab nind ke mate tare

rah tak tak ke kisi ki haare

kis qadar sachchi thin un ki baaten

un ke sath aai gai thin raaten

aap ke hath hain ya angare

main bhi samjhi thi use dil ke qarib

meri masum bahan meri raqib

kya kaha aapa nahin chup rahiye

achchha kah Daliye kahiye kahiye

aap ki aankhen hain kis qadr muhib

subh ruk ruk ke sitare Dube

gham na khao ki jo haare Dube

aapa ji bhar ke mujhe rone den

gham ki maujon mein fana hone den

kaun sahil ke sahaare Dube