haweli

vaqt kī ret ke kuchh āḳhirī zarre haiñ mirī muTThī meñ

tan pe har biite hue pal ke liye ik silvaT

zehn ke goshoñ meñ yādoñ kī namī

aur dīvāroñ pe dīmak-zada lamhoñ ko liye

chaukhaToñ meñ ka.ī dhuñdle chehre

sahn-e-māzī meñ ka.ī gum-shuda nasloñ kī virāsat kā amiiñ

īstāda koī būḌhā bargad

farsh par vaqt ke paḌte hue piile patte

haañ magar ek dhaḌaktā huā dil

jo tire saath kaTe vaqt meñ zinda hai abhī

jis kī dhaḌkan se mire jism ko ḳhauf aatā hai

bilkul aise mirī bosīda havelī jaise

terī añgḌā.ī ke lamhoñ meñ laraz uThtī thī

waqt ki ret ke kuchh aaKHiri zarre hain meri muTThi mein

tan pe har bite hue pal ke liye ek silwaT

zehn ke goshon mein yaadon ki nami

aur diwaron pe dimak-zada lamhon ko liye

chaukhaTon mein kai dhundle chehre

sahn-e-mazi mein kai gum-shuda naslon ki wirasat ka amin

istada koi buDha bargad

farsh par waqt ke paDte hue pile patte

han magar ek dhaDakta hua dil

jo tere sath kaTe waqt mein zinda hai abhi

jis ki dhaDkan se mere jism ko KHauf aata hai

bilkul aise meri bosida haweli jaise

teri angDai ke lamhon mein laraz uThti thi