hayat

dil hī meñ dard-e-dil rahe lab par fuġhāñ na ho

rāz-e-nihāñ kā aur koī rāz-dāñ na ho

ik jaam meñ jo jalva-e-kaun-o-makāñ na ho

zāhid murīd-e-hazrat-e-pīr-e-muġhāñ na ho

ye kyā kahā ki rāz-e-mohabbat ayaañ na ho

mumkin nahīñ ki aag lage aur dhuāñ na ho

dār-o-madār tere hī lutf-o-karam pe hai

tū meherbāñ na ho to koī meherbāñ na ho

insān vo kare jo malak bhī na kar sakeñ

fikr-e-ma.āsh 'nūr' agar darmiyāñ na ho

dil hi mein dard-e-dil rahe lab par fughan na ho

raaz-e-nihan ka aur koi raaz-dan na ho

ek jam mein jo jalwa-e-kaun-o-makan na ho

zahid murid-e-hazrat-e-pir-e-mughan na ho

ye kya kaha ki raaz-e-mohabbat ayan na ho

mumkin nahin ki aag lage aur dhuan na ho

dar-o-madar tere hi lutf-o-karam pe hai

tu meherban na ho to koi meherban na ho

insan wo kare jo malak bhi na kar saken

fikr-e-maash 'nur' agar darmiyan na ho