hercules aur paTe-KHan ki circus

ye be-hañgam be-Dhab duniyā

har mutanāsib soch ko

puujā ke prashād se farba kar detī hai

yā

tañgī kī chakkī se

vo ḳhurāk khilātī hai

soch kī āñkheñ dhañs jaatī haiñ

kaan laTak jaate haiñ

kisī siDaul ḳhayāl ko

mahbūba nahīñ miltī

hāsid bhūl-bhulayyāñ use

javāñ hone se pahle būḌhā kar detī haiñ

hercules aur pāTe-ḳhāñ kī

circus se bach kar

ḳhālis dānish ke raste par

jo guñg karne vaalā

sarkī rag phaTne se

rāhi-e-mulk-e-adam huā

bas ik sho.abada-bāz hai

jab vo haath kī ik jumbish se

batn-e-havvā se

sikka paidā kartā hai

to be-hangam be-Dhab duniyā

tāliyāñ pīTte pīTte

haath sujā letī hai

ye be-hangam be-Dhab duniya

har mutanasib soch ko

puja ke prashad se farba kar deti hai

ya

tangi ki chakki se

wo KHurak khilati hai

soch ki aankhen dhans jati hain

kan laTak jate hain

kisi siDaul KHayal ko

mahbuba nahin milti

hasid bhul-bhulayyan use

jawan hone se pahle buDha kar deti hain

hercules aur paTe-KHan ki

circus se bach kar

KHalis danish ke raste par

jo gung karne wala

sarki rag phaTne se

rahi-e-mulk-e-adam hua

bas ek shoabada-baz hai

jab wo hath ki ek jumbish se

batn-e-hawwa se

sikka paida karta hai

to be-hangam be-Dhab duniya

taliyan piTte piTte

hath suja leti hai