hifz-e-ma-taqaddam

kahā ik bheḌ ne kuchh memanoñ se

mire pyāro hamesha saath revaḌ ke raho

tumhāre daa.eñ baa.eñ aage pīchhe koī ho

jo Dhaal kī sūrat muhāfiz ho

charāgāhoñ se bāhar

jagmagāte rāste tum ko bulā.eñge

chamaktī lahlahātī ḳhasta hariyālī lubhā.egī

tumhāre dil ko khīñchegī

tum apne paañv apne haath meñ rakhnā

na hone ko na ho kuchh bhī

magar hone ko ho saktā hai kuchh bhī

suno aise kisī anjān raste par

kisī be-dhyān lamhe meñ

achānak bheḌiye hamla jo kar deñ

dil-e-dahshat-zada meñ ek dahlātī huī ḳhvāhish

ba-sad-hasrat umaDtī hai

ragoñ meñ sansanātī hai

ye kahtī hai ki haa.e

kaash un kuttoñ kī sun lete

jo din bhar bhauñkte the

kaha ek bheD ne kuchh memanon se

mere pyaro hamesha sath rewaD ke raho

tumhaare daen baen aage pichhe koi ho

jo Dhaal ki surat muhafiz ho

charagahon se bahar

jagmagate raste tum ko bulaenge

chamakti lahlahati KHasta hariyali lubhaegi

tumhaare dil ko khinchegi

tum apne panw apne hath mein rakhna

na hone ko na ho kuchh bhi

magar hone ko ho sakta hai kuchh bhi

suno aise kisi anjaan raste par

kisi be-dhyan lamhe mein

achanak bheDiye hamla jo kar den

dil-e-dahshat-zada mein ek dahlati hui KHwahish

ba-sad-hasrat umaDti hai

ragon mein sansanati hai

ye kahti hai ki hae

kash un kutton ki sun lete

jo din bhar bhaunkte the