hijr ki raaten

hijr kī rāteñ kaalī kaalī

is par yaad kisī kī jaarī

aise gahre sannāTe meñ

kis se kaheñ ham ġham kī kahānī

duniyā saarī sotī hai

taare ginnā bechainī meñ

aaheñ bharnā betābī meñ

aah hamārī sone vaalo

is hālat meñ lāchārī meñ

raat basar yuuñ hotī hai

kushta-e-ġham kī ab turbat par

hasrat rotī hai hasrat par

ek udāsī kā aalam hai

sone vaale kī qismat par

sham-e-bālīñ rotī hai

jis meñ hasrat kī bastī hai

jis kī bulandī har pastī hai

ya.anī jis ko dil kahte haiñ

jis par sab duniyā hañstī hai

ek anokhā motī hai

charḳh ne bedardī be-rahmī

sach to yahī hai us se sīkhī

aao 'ālim' kuchh to batāo

sab kuchh hai par yaas kisī kī

yaad bhalā kyuuñ khotī hai

hijr ki raaten kali kali

is par yaad kisi ki jari

aise gahre sannaTe mein

kis se kahen hum gham ki kahani

duniya sari soti hai

tare ginna bechaini mein

aahen bharna betabi mein

aah hamari sone walo

is haalat mein lachaari mein

raat basar yun hoti hai

kushta-e-gham ki ab turbat par

hasrat roti hai hasrat par

ek udasi ka aalam hai

sone wale ki qismat par

sham-e-baalin roti hai

jis mein hasrat ki basti hai

jis ki bulandi har pasti hai

yani jis ko dil kahte hain

jis par sab duniya hansti hai

ek anokha moti hai

charKH ne bedardi be-rahmi

sach to yahi hai us se sikhi

aao 'alim' kuchh to batao

sab kuchh hai par yas kisi ki

yaad bhala kyun khoti hai