hijr o visal

ḳhud apne dil kā ḳhuun fazā meñ uchhāl ke

mazmūñ likhe haiñ ham ne firāq o visāl ke

kuchh sānehoñ kī yaad hai unvān-e-roz-o-shab

kuchh hādse haiñ nok-e-zabāñ maah o saal ke

ik nā-tamām dard sharīk-e-chaman rahā

shāḳhoñ pe koñpaloñ kī naqābeñ ujaal ke

sehn-e-haram se anjuman-e-mai-farosh tak

do-gām fāsla hai zarā dekh-bhāl ke

pachhtā rahe haiñ naġhma-sarāyān-e-fasl-e-gul

bazm-e-chaman se sarv-o-saman ko nikāl ke

ham ne kiyā hai gardish-e-daurāñ ko pā.emāl

ham ne sahe haiñ zaḳhm zamāne kī chaal ke

'shorish' zamāna ham se muāfiq na ho sakā

ham log haiñ chaman meñ purāne ḳhayāl ke

KHud apne dil ka KHun faza mein uchhaal ke

mazmun likhe hain hum ne firaq o visal ke

kuchh sanehon ki yaad hai unwan-e-roz-o-shab

kuchh hadse hain nok-e-zaban mah o sal ke

ek na-tamam dard sharik-e-chaman raha

shaKHon pe konpalon ki naqaben ujal ke

sehn-e-haram se anjuman-e-mai-farosh tak

do-gam fasla hai zara dekh-bhaal ke

pachhta rahe hain naghma-sarayan-e-fasl-e-gul

bazm-e-chaman se sarw-o-saman ko nikal ke

hum ne kiya hai gardish-e-dauran ko paemal

hum ne sahe hain zaKHm zamane ki chaal ke

'shorish' zamana hum se muafiq na ho saka

hum log hain chaman mein purane KHayal ke