ہندی
ہندی زباں ہماری لگتی ہے ہم کو پیاری
اس سے ہے پیار ہم کو جانے یہ دنیا ساری
چن چن کے پھول اس کے مالائیں ہم بنائیں
کرکے سنگھار اس کا نس دن اسے سجائیں
پہنچا دیں اس کو گھر گھر ہے کامنا ہماری
ہندی زباں ہماری لگتی ہے ہم کو پیاری
ہر شبد اس کا ہردے پٹ پر لکھا ہوا ہے
ہندی زباں کا امرت دل میں اتر گیا ہے
دیوانے ہم ہیں اس کے ہیں اس کے ہم پجاری
ہندی زباں ہماری لگتی ہے ہم کو پیاری
بادھائیں سب مٹا دیں ہم اس کے راستوں کی
دے دیں اسے اک منزل انسانوں کے دلوں میں
یہ گلشن وطن کی کہلاتی ہے دلاری
ہندی زباں ہماری لگتی ہے ہم کو پیاری
ہندی زباں سے ماہرؔ ہیں پیار کرنے والے
اس کی کرن کے ہر سو ہیں خوش نما اجالے
اس کے گلوں کی خوشبو لگتی ہے سب کو پیاری
ہندی زباں ہماری لگتی ہے ہم کو پیاری
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
