hindu muslim ittihad

hind hindostān vaalo tum ai hindū musalmāno

tumhī aapas ke kul jhagḌoñ ko be-khaTke miTā sakte

haiñ donoñ bulbul-e-shaidā hai donoñ kā gulistāñ ye

na tum bhī chhoḌ sakte ho na vo bhī yaañ se jā sakte

to phir kyā fā.eda hai tum ko har-dam yuuñ jhagaḌne meñ

agar mil-jul ke aapas meñ ho kul bigḌī banā sakte

tumhāre kaam vo aa.eñ tum un kā saath do har-dam

kudūrat dil kī us sūrat se donoñ ho miTā sakte

ujaḌte dekh kar is taur se ḳhāmosh rahnā kyā

jo is ujḌī huī bastī ko ulfat se basā sakte

jo tum chāho to is kī dhuum ik aalam meñ mach jaa.e

yahī haiñ vo ki jo rūThe huoñ ko haiñ manā sakte

vahī haiñ lā.eq-e-tahsīn 'kubrā' bāġhbānoñ meñ

ki jo kum.hlā.ī kaliyoñ ko chaman kī haiñ khilā sakte

hind hindostan walo tum ai hindu musalmano

tumhi aapas ke kul jhagDon ko be-khaTke miTa sakte

hain donon bulbul-e-shaida hai donon ka gulistan ye

na tum bhi chhoD sakte ho na wo bhi yan se ja sakte

to phir kya faeda hai tum ko har-dam yun jhagaDne mein

agar mil-jul ke aapas mein ho kul bigDi bana sakte

tumhaare kaam wo aaen tum un ka sath do har-dam

kudurat dil ki us surat se donon ho miTa sakte

ujaDte dekh kar is taur se KHamosh rahna kya

jo is ujDi hui basti ko ulfat se basa sakte

jo tum chaho to is ki dhum ek aalam mein mach jae

yahi hain wo ki jo ruThe huon ko hain mana sakte

wahi hain laeq-e-tahsin 'kubra' baghbanon mein

ki jo kumhlai kaliyon ko chaman ki hain khila sakte