ho gai baat saf

māriya sāhibā kī ik guḌiyā

aur suubī kā ek guDDā thā

aur donoñ meñ chaa.e par kal shaam

zikr rishte kā aise hotā thā

suubī muñh bigāḌ kar bolī

huuñh na achchhī haiñ ādateñ us kī

na mujhe koī ḳhaas lagtī hai

tum to kahtī thiiñ lagtī guḌiyā hañsmukh hai

ye to bilkul udaas lagtī hai

kab se bāloñ meñ kī nahīñ kañghī

chuTiyā dekho to ghaas lagtī hai

baat karne kā is ko Dhañg nahīñ hai

ye kahīñ m a paas lagtī hai

chaa.e guDDe ke coat par Dhā dī

ek dam bad-havās lagtī hai

naañ jī guḌiyā nahīñ hai ye kam-sin

ye to guDDe kī saas lagtī hai

ai zarā kok-vok mañgvāo

mere guDDe ko pyaas lagtī hai

māriya sāhibā kī guḌiyā kā

khīñchā suubī ne aisā jab naqsha

un ko aatā bhalā na kyoñ ġhussa

par baḌe zabt se ye farmāyā

ai bahan ye ḳhushī kā saudā hai

ho ga.ī baat saaf achchhā hai

merī guḌiyā to ḳhair jaisī hai

laaT sāhab ye ḳhud kahāñ kā hai

bhālū jaisī to is kī sūrat hai

tum to kahtī thiiñ bholā-bhālā hai

moñchheñ dekho to kitnī moTī haiñ

sar bhī pīchhe se thoḌā ganjā hai

kahīñ afsar to ḳhair kyā hogā

fifth meñ fail ho ke bhāgā hai

sab patā chal gayā mujhe bhī ab

kisī hotel kā ye to bairā hai

is kī tanḳhvāh bas zarā sī hai

tip ke milne hī par guzārā hai

haañ ise kok bhī mañgā deñge

dekh lo kis qadar na-dīda hai

is nikhaTTū ko guḌiyā dene se

kueñ meñ pheñk denā achchhā hai

mariya sahiba ki ek guDiya

aur subi ka ek guDDa tha

aur donon mein chae par kal sham

zikr rishte ka aise hota tha

subi munh bigaD kar boli

hunh na achchhi hain aadaten us ki

na mujhe koi KHas lagti hai

tum to kahti thin lagti guDiya hansmukh hai

ye to bilkul udas lagti hai

kab se baalon mein ki nahin kanghi

chuTiya dekho to ghas lagti hai

baat karne ka is ko Dhang nahin hai

ye kahin m a pas lagti hai

chae guDDe ke coat par Dha di

ek dam bad-hawas lagti hai

nan ji guDiya nahin hai ye kam-sin

ye to guDDe ki sas lagti hai

ai zara kok-wok mangwao

mere guDDe ko pyas lagti hai

mariya sahiba ki guDiya ka

khincha subi ne aisa jab naqsha

un ko aata bhala na kyon ghussa

par baDe zabt se ye farmaya

ai bahan ye KHushi ka sauda hai

ho gai baat saf achchha hai

meri guDiya to KHair jaisi hai

laT sahab ye KHud kahan ka hai

bhaalu jaisi to is ki surat hai

tum to kahti thin bhola-bhaala hai

monchhen dekho to kitni moTi hain

sar bhi pichhe se thoDa ganja hai

kahin afsar to KHair kya hoga

fifth mein fail ho ke bhaga hai

sab pata chal gaya mujhe bhi ab

kisi hotel ka ye to baira hai

is ki tanKHwah bas zara si hai

tip ke milne hi par guzara hai

han ise kok bhi manga denge

dekh lo kis qadar na-dida hai

is nikhaTTu ko guDiya dene se

kuen mein phenk dena achchha hai