husn

is husn ko ab kījiye kis husn se ta.abīr

ye husn nazar-pāsh hai yā aks-e-taḳhayyul

ye nīm-nigāhī hai ki jalvoñ kā tasalsul

ye husn-e-tarannum hai tabassum hai ki tūfān

yā jalva-e-shādāb hijāboñ meñ numāyāñ

ye husn kā hāsil hai ki jalvoñ kā taqāzā

dāmān-e-nazar parda-e-mahmil hai sarāpā

ye jalvā-e-be-tāb hai yā barq-e-sharar-ḳhez

yā jām-e-mohabbat hai ki jazbāt se labrez

nazzāra-e-gul-rang hai paimāna-e-rāhat

aks-e-nazar-afroz hai ā.īna-e-fitrat

ik paikar-e-hairat hai ki ik sehr kī tasvīr

dāmān-e-fazā par hai ḳhayālāt kī tahrīr

taslīm hai ki mā.igī-e-nutq kī taqsīr

is husn ko ab kijiye kis husn se tabir

ye husn nazar-pash hai ya aks-e-taKHayyul

ye nim-nigahi hai ki jalwon ka tasalsul

ye husn-e-tarannum hai tabassum hai ki tufan

ya jalwa-e-shadab hijabon mein numayan

ye husn ka hasil hai ki jalwon ka taqaza

daman-e-nazar parda-e-mahmil hai sarapa

ye jalwa-e-be-tab hai ya barq-e-sharar-KHez

ya jam-e-mohabbat hai ki jazbaat se labrez

nazzara-e-gul-rang hai paimana-e-rahat

aks-e-nazar-afroz hai aaina-e-fitrat

ek paikar-e-hairat hai ki ek sehr ki taswir

daman-e-faza par hai KHayalat ki tahrir

taslim hai ki maigi-e-nutq ki taqsir