in nukta ki hastam man

tum ne mujh se

koī iqrār-e-rifāqat na kiyā

ye na kahā

tum se bichhaḌ jā.ūñ to zinda na rahūñ

maiñ ne tumheñ

ziist kā sarmāya

mirā hāsil-e-yak-umr-e-tamannā na kahā

is qadar jhuuT se dahshat-zada the ham

ki koī sach na kahā

maiñ ne bas itnā kahā

dekho ham aur tum is aag kā hissa haiñ

jo ḳhāshāk kī mānind jalātī hai hameñ

tum ne bas itnā kahā

dekho is aag meñ ham donoñ akele bhī haiñ

sāthī bhī haiñ

aur ham karte rahe umr-e-mah-o-sāl ke zaḳhmoñ kā shumār

kahkashāñ phīkī hai kuchh der kā mehmān hai chāñd

Dūbtī raat meñ Dhalte hue saa.e chup haiñ

merī shiryānoñ meñ yaḳh-basta lahū hairāñ hai

avvalīñ qurb kī ye aañch kahāñ se aa.ī

ajnabī kaise kahūñ

tum to mire dil ke nihāñ-ḳhāne meñ so.e hue har ḳhvāb kā chehra nikle

tum ne mujh se

koi iqrar-e-rifaqat na kiya

ye na kaha

tum se bichhaD jaun to zinda na rahun

main ne tumhein

zist ka sarmaya

mera hasil-e-yak-umr-e-tamanna na kaha

is qadar jhuT se dahshat-zada the hum

ki koi sach na kaha

main ne bas itna kaha

dekho hum aur tum is aag ka hissa hain

jo KHashak ki manind jalati hai hamein

tum ne bas itna kaha

dekho is aag mein hum donon akele bhi hain

sathi bhi hain

aur hum karte rahe umr-e-mah-o-sal ke zaKHmon ka shumar

kahkashan phiki hai kuchh der ka mehman hai chand

Dubti raat mein Dhalte hue sae chup hain

meri shiryanon mein yaKH-basta lahu hairan hai

awwalin qurb ki ye aanch kahan se aai

ajnabi kaise kahun

tum to mere dil ke nihan-KHane mein soe hue har KHwab ka chehra nikle