ijazat chahiye hum ko

ijāzat chāhiye ham ko tumhāre ḳhāl-o-ḳhad oḌheñ

tumhāre husn ke bargad ke saa.e

do ghaḌī ruk kar

hayāt-e-jāvedāñ paa.eñ

aur aise meñ kahīñ ḳhud par

tumheñ bhī mehrbāñ paa.eñ

ijāzat chāhiye ham ko

tumhārī zulf se apnī nazar kī Doriyāñ bāñdheñ

vahī dekheñ jo tum dekho

aur aise meñ tire jhumkoñ se kuchh sargoshiyāñ kar leñ

tirī chunrī ko chhū leñ aur sitāroñ sā chamak uTTheñ

falak pe duur tak tere hī qadmoñ ke nishāñ DhūñDeñ

hameñ manzil se kyā lenā hameñ raste se kyā lenā

haiñ tere 'ishq ke bande

hameñ apnā banā lenā

hameñ apnā banā lenā

ijazat chahiye hum ko tumhaare KHal-o-KHad oDhen

tumhaare husn ke bargad ke sae

do ghaDi ruk kar

hayat-e-jawedan paen

aur aise mein kahin KHud par

tumhein bhi mehrban paen

ijazat chahiye hum ko

tumhaari zulf se apni nazar ki Doriyan bandhen

wahi dekhen jo tum dekho

aur aise mein tere jhumkon se kuchh sargoshiyan kar len

teri chunri ko chhu len aur sitaron sa chamak uTThen

falak pe dur tak tere hi qadmon ke nishan DhunDen

hamein manzil se kya lena hamein raste se kya lena

hain tere 'ishq ke bande

hamein apna bana lena

hamein apna bana lena