ek aur jang

ik na.ī jang kā āġhāz kareñ

ḳhuub laḌeñ

nasl-dar-nasl laḌeñ pal ko bhī pīchhe na haTeñ

rang se nuur se phūloñ se bhare bam le kar

'ālamī jang laḌeñ

jis ke laḌne se zamīñ rang meñ nahlā jaa.e

jabr kī raat kaTe aur bahār aa jaa.e

is qadar jang laḌeñ jī ko qarār aa jaa.e

is qadar jang ki qudrat ko bhī pyaar aa jaa.e

jis qadar jald ho is jang kā āġhāz kareñ

ab faqat pyaar faqat pyaar faqat pyaar kareñ

ek nai jang ka aaghaz karen

KHub laDen

nasl-dar-nasl laDen pal ko bhi pichhe na haTen

rang se nur se phulon se bhare bam le kar

'alami jang laDen

jis ke laDne se zamin rang mein nahla jae

jabr ki raat kaTe aur bahaar aa jae

is qadar jang laDen ji ko qarar aa jae

is qadar jang ki qudrat ko bhi pyar aa jae

jis qadar jald ho is jang ka aaghaz karen

ab faqat pyar faqat pyar faqat pyar karen