ikkiswin sadi ka ishq

mujhe aur tumheñ koī Dar nahīñ

na koī vāda-vafā karnā hai

na koī ummīd-e-charāġh jalānā hai

ek shādī thī farsūda rasm zamāne kī

vo marhala bhī tai kar chuke ham

apnī apnī jagah ham kitne mutma.in haiñ

ab milne bichhaḌne kā azaab hai kab

ab justujū visāl kaisā

ab lazzat-e-lams kī kise tamannā

na zamāne kī fikr

na logoñ kā ḳhauf

ham in tamām jazboñ se kitne aage nikal ga.e haiñ nā

hāthoñ kī poroñ meñ simaT aa.e haiñ

tum lamha lamha merā añg añg chhūte ho

maiñ bhī apne sirhāne tumhāre lafz piitī huuñ

uñglī ke ek ishāre par duniyā kitnī simaT aa.ī hai

ham ko kitnā qarīb le aa.ī hai

aur mujhe aur tumheñ kisī kā Dar nahīñ hai

kyuuñ ki maiñ ne bhī apne mobile kā password kisī ko nahīñ batāyā

mujhe aur tumhein koi Dar nahin

na koi wada-wafa karna hai

na koi ummid-e-charagh jalana hai

ek shadi thi farsuda rasm zamane ki

wo marhala bhi tai kar chuke hum

apni apni jagah hum kitne mutmain hain

ab milne bichhaDne ka azab hai kab

ab justuju visal kaisa

ab lazzat-e-lams ki kise tamanna

na zamane ki fikr

na logon ka KHauf

hum in tamam jazbon se kitne aage nikal gae hain na

hathon ki poron mein simaT aae hain

tum lamha lamha mera ang ang chhute ho

main bhi apne sirhane tumhaare lafz piti hun

ungli ke ek ishaare par duniya kitni simaT aai hai

hum ko kitna qarib le aai hai

aur mujhe aur tumhein kisi ka Dar nahin hai

kyun ki main ne bhi apne mobile ka password kisi ko nahin bataya