ilm-o-KHudi

jo ilm tujhe pās-e-ḳhudī par na ubhāre

vo laġhv hai yā lahv hai yā sahv hai pyāre

ye sīna-e-arzī pe machalte hue dhāre

zinda haiñ faqat zauq-e-tamavvuj ke sahāre

haif aise musāfir pe jo itnā bhī na samjhā

kashtī harakat meñ hai ki chalte haiñ kināre

gahvāra-e-taḳhrīb hai vo ilm-e-ma.īshat

shāhīñ ko jo ta.amīr-e-nasheman pe ubhāre

e.ajāz-e-ḳhudī dekh ki aahū ke ye bachche

bharne lage sheroñ ke ta.āqub meñ tarāre

ġhairat vo haqīqat hai ki jab hotī hai bedār

sūraj pe jhapaT paḌte haiñ shabnam ke sharāre

jo ilm tujhe pas-e-KHudi par na ubhaare

wo laghw hai ya lahw hai ya sahw hai pyare

ye sina-e-arzi pe machalte hue dhaare

zinda hain faqat zauq-e-tamawwuj ke sahaare

haif aise musafir pe jo itna bhi na samjha

kashti harakat mein hai ki chalte hain kinare

gahwara-e-taKHrib hai wo ilm-e-maishat

shahin ko jo tamir-e-nasheman pe ubhaare

eajaz-e-KHudi dekh ki aahu ke ye bachche

bharne lage sheron ke taaqub mein tarare

ghairat wo haqiqat hai ki jab hoti hai bedar

suraj pe jhapaT paDte hain shabnam ke sharare