علم و محبت

بہت بہا ہے زمانے میں خون انساں کا

کرو کچھ ایسا کہ دشمن نہ کوئی قاتل ہو

عجیب دور ہے دنیا میں کم نگاہی کا

کوئی تو نوح سا نکلے کہیں تو ساحل ہو

جہاں بھی دیکھو جمایا ہے ڈیرا غاصب نے

یہاں پہ کاش کوئی حق پرست و عادل ہو

ہر ایک سمت حکومت ہے دشمن آدم

کوئی تو فاتح ظلم اور رد باطل ہو

نہیں ہے شعر میں عشق و وفا صداقت کچھ

کوئی ہو غالبؔ‌ و اقبالؔ کوئی بیدلؔ ہو

جلاؤ علم و محبت کی وہ حسیں شمعیں

نہ کوئی دشمنی رکھے نہ کوئی جاہل ہو