imtiyaz

dil aaj sarf-e-nāz kiye jā rahā huuñ maiñ

pābandī-e-niyāz kiye jā rahā huuñ maiñ

naqsh-e-qadam pe un ke jhukā kar jabīn-e-shauq

sajdoñ se sarfarāz kiye jā rahā huuñ maiñ

ai ishq bhar ke de mujhe phir jām-e-be-ḳhudī

ab phir kuchh imtiyāz kiye jā rahā huuñ maiñ

dekhā hai us ne phir nigah-e-fitna-sāz se

phir dil pe faḳhr-o-nāz kiye jā rahā huuñ maiñ

us mah-jabīñ ke husn kā de kar hasīñ fareb

tāroñ se sāz-bāz kiye jā rahā huuñ maiñ

phir kar rahā huuñ shāhid-e-fitrat se chheḌ-chhāḌ

phir inkishāf-e-rāz kiye jā huuñ meñ

dil aaj sarf-e-naz kiye ja raha hun main

pabandi-e-niyaz kiye ja raha hun main

naqsh-e-qadam pe un ke jhuka kar jabin-e-shauq

sajdon se sarfaraaz kiye ja raha hun main

ai ishq bhar ke de mujhe phir jam-e-be-KHudi

ab phir kuchh imtiyaz kiye ja raha hun main

dekha hai us ne phir nigah-e-fitna-saz se

phir dil pe faKHr-o-naz kiye ja raha hun main

us mah-jabin ke husn ka de kar hasin fareb

taron se saz-baz kiye ja raha hun main

phir kar raha hun shahid-e-fitrat se chheD-chhaD

phir inkishaf-e-raaz kiye ja hun mein