امتیاز

دل آج صرف ناز کئے جا رہا ہوں میں

پابندیٔ نیاز کئے جا رہا ہوں میں

نقش قدم پہ ان کے جھکا کر جبین شوق

سجدوں سے سرفراز کئے جا رہا ہوں میں

اے عشق بھر کے دے مجھے پھر جام بے خودی

اب پھر کچھ امتیاز کئے جا رہا ہوں میں

دیکھا ہے اس نے پھر نگہ فتنہ ساز سے

پھر دل پہ فخر و ناز کئے جا رہا ہوں میں

اس مہ جبیں کے حسن کا دے کر حسیں فریب

تاروں سے ساز باز کئے جا رہا ہوں میں

پھر کر رہا ہوں شاہد فطرت سے چھیڑ چھاڑ

پھر انکشاف راز کئے جا ہوں میں