in se miliye

kahne ko to baby haiñ ye

sach pūchho to naanī haiñ ye

aafat kī parkāla kahiye

shaitāñ kī bhī ḳhāla kahiye

shāhīna kī choTī khīñchī

farzāna kī copy le lī

is ko maarā us ko jhapTā

kaam yahī hai saare din kā

aashā hai ik roz gagan par

chamkeñgī ye taarā ban kar

titlī ik firdaus kī haiñ ye

nannhī-munnī gol sī haiñ ye

āshāoñ kā darpan kahiye

maañ ke dil kī dhaḌkan kahiye

daadī kī ummīd yahī haiñ

ḳhushiyoñ kī tamhīd yahī haiñ

bholī-bhālī sūrat in kī

achchhī achchhī aadat in kī

hogā har-sū in se ujālā

duur kareñgī jag kā añdherā

jo beTī beTā se bhī miliye

bas aafat kī puḌiyā se bhī miliye

hañsmukh sī ek guḌiyā haiñ ye

zid karne meñ yaktā haiñ ye

rone par ye aatī haiñ jab

ghanToñ shor machātī haiñ tab

dublī patlī nāzuk sī haiñ

juuhī kī ik nannhī kalī haiñ

qaum kī ḳhidmat kaam ho in kā

jag meñ raushan naam ho in kā

kahne ko to baby hain ye

sach puchho to nani hain ye

aafat ki parkala kahiye

shaitan ki bhi KHala kahiye

shahina ki choTi khinchi

farzana ki copy le li

is ko mara us ko jhapTa

kaam yahi hai sare din ka

aasha hai ek roz gagan par

chamkengi ye tara ban kar

titli ek firdaus ki hain ye

nannhi-munni gol si hain ye

aashaon ka darpan kahiye

man ke dil ki dhaDkan kahiye

dadi ki ummid yahi hain

KHushiyon ki tamhid yahi hain

bholi-bhaali surat in ki

achchhi achchhi aadat in ki

hoga har-su in se ujala

dur karengi jag ka andhera

jo beTi beTa se bhi miliye

bas aafat ki puDiya se bhi miliye

hansmukh si ek guDiya hain ye

zid karne mein yakta hain ye

rone par ye aati hain jab

ghanTon shor machati hain tab

dubli patli nazuk si hain

juhi ki ek nannhi kali hain

qaum ki KHidmat kaam ho in ka

jag mein raushan nam ho in ka