jashn-e-azadi

dil jalāo

amn kī rāhoñ ko bhar do nuur se

ḳhatm tārīkī karo

jaañ jalāo

sham.a kī mānind pighlo

āñdhiyoñ meñ bhī na bujhne do mohabbat ke charāġh

duur kar do nafratoñ ke saare daaġh

infirādī ḳhvāhishoñ kī aag ko ThanDā karo

qarya qarya

kū-ba-kū

ijtimā.ī soch ke anmol diip

chār-sū raushan karo

dosto

jashn-e-āzādī nahīñ hai

qumqume bijlī ke bāzāroñ meñ sulgāne kā naam

apnī miTTī hai muqaddas

jaise mamtā kā taqaddus

ḳhuun kā ik ek qatra de ke bhī

is kī rakhvālī muqaddam

shān-e-momin

azm-e-paiham

maujzan ho ruuh ruuh

josh-e-īmān-e-husain

jazba-e-abbās se ho sū-e-manzil gāmzan

sub.h-e-āzādī ke matvāloñ kī hai apnī hī baat

har qadam rakkheñ vo āzādī ke parcham ko buland

dast-o-bāzū apne kaTvā kar bhī vo khā.eñ na maat

dosto

jashn-e-āzādī nahīñ hai

chaḌh ke bām-o-dar pe apne

chand lamhoñ ke liye parcham ke lahrāne kā naam

dil jalao

amn ki rahon ko bhar do nur se

KHatm tariki karo

jaan jalao

shama ki manind pighlo

aandhiyon mein bhi na bujhne do mohabbat ke charagh

dur kar do nafraton ke sare dagh

infiradi KHwahishon ki aag ko ThanDa karo

qarya qarya

ku-ba-ku

ijtimai soch ke anmol dip

chaar-su raushan karo

dosto

jashn-e-azadi nahin hai

qumqume bijli ke bazaron mein sulgane ka nam

apni miTTi hai muqaddas

jaise mamta ka taqaddus

KHun ka ek ek qatra de ke bhi

is ki rakhwali muqaddam

shan-e-momin

azm-e-paiham

maujzan ho ruh ruh

josh-e-iman-e-husain

jazba-e-abbas se ho su-e-manzil gamzan

subh-e-azadi ke matwalon ki hai apni hi baat

har qadam rakkhen wo aazadi ke parcham ko buland

dast-o-bazu apne kaTwa kar bhi wo khaen na mat

dosto

jashn-e-azadi nahin hai

chaDh ke baam-o-dar pe apne

chand lamhon ke liye parcham ke lahrane ka nam