information technology

nizām badal rahā hai

na.e sikke raa.ij ho chuke haiñ

na.e registraroñ par purāne hindise makkhiyoñ kī tarah bhinbhināne lage haiñ

keyboard se zanjīr kiye ga.e haath

saat āsmānoñ par dastak dene kī mashq kar rahe haiñ

newin-sine se bāhar aatī huī laḌkī

ḳhālī jeboñ kī taraf ishāra kar ke muskurātī hai

aur naujavānī sheḳh neck-Tā.eyāñ lagā.e

five-satar hoTaloñ ke bāhar paḌī ḳhālī botaloñ meñ

munnī plant ugāne kī tarbiyat le rahe haiñ

gūñge bahre vāldain

mailī razā.iyoñ meñ paanī kī garm botaloñ se lipaT kar

ābā.ī qabristānoñ kā ḳhvāb dekhte haiñ

aur bachche

music channel kī dhun par

''duniyā ek gaañv hai'' kā naġhma gaate haiñ

nizam badal raha hai

nae sikke raij ho chuke hain

nae registraron par purane hindise makkhiyon ki tarah bhinbhinane lage hain

keyboard se zanjir kiye gae hath

sat aasmanon par dastak dene ki mashq kar rahe hain

newin-sine se bahar aati hui laDki

KHali jebon ki taraf ishaara kar ke muskuraati hai

aur naujawani sheKH neck-Taeyan lagae

fiwe-satar hoTalon ke bahar paDi KHali botalon mein

munni plant ugane ki tarbiyat le rahe hain

gunge bahre waldain

maili razaiyon mein pani ki garm botalon se lipaT kar

aabai qabristanon ka KHwab dekhte hain

aur bachche

music channel ki dhun par

duniya ek ganw hai ka naghma gate hain