انہدام

دستاویزی پراسس مکمل ہوا

کاہنوں غیب دانوں کی فتنہ گری کے زمانے فنا ہو گئے

اور انجم شناسی کے ماہر فلک پہ بدلتی ہوئی زندگی کھوج کرتے ہوئے مٹ گئے

نینوا کی کھدائی سے مے کی بھری بوتلیں مل گئیں ذائقے تو سوا تھے مگر جانے کیوں کالعدم ہو گئے

مذہبی آشرم کیف کی کپکپاہٹ سے عریاں ہوئی 300 ھڈز کی چیخ بپھری کسی سمت سے

جنس آدم کے کانوں سے بہنے لگا خون پھٹنے لگے پھیپھڑے

تو مشقت کے سرکل سے وینس کا مزدور تھکنے لگا

ان ہواؤں میں اڑتے ہوئی سب پرندے خلاؤں میں گم ہو گئے

یوں کھلے بازووں سے بغل گیر اوشن کے ابرو خمیدہ ہوئے تو اسی پل میں خشکی تری کے سبھی فاصلے مٹ گئے

عرش والے فرشتے مخاطب ہوئے وہ جو نائب تھے الٹے قدم ہو لیے آج کی شب سنا ہے کہ نقارچی سب بلائے گئے

ایک سیار فلکی محلے سے کم ہو گیا