injala ke liye ek nazm

merā dukh merā ābā.ī makān hai

so

merī beTī

jahāñ se tere jism kī ek buuñd ko mahfūz rakhe hue

maiñ anjāne safar par niklā

aur zamīn bhar ke tamām dukhoñ meñ umr bhar safar kartā rahā

merī beTī

tū ne in lālTenoñ ke maazī ko nahīñ dekhā

jin meñ har raat koī na koī aurat raushan hotī aur phir bujh jaatī

aur bujhī huī aurat dobāra kabhī raushan nahīñ huī

mohabbat ne peḌoñ ko aur peḌoñ ne parchhā.iyoñ ko janam diyā

agar koī bujhī aurat dobāra raushan ho jaatī

to mohabbat us ke peḌ aur us kī parchhā.iyoñ ko

yakjā kar ke ek na.ī duniyā banā.ī jā saktī thī

merī beTī

tū ne edison ke bulb ke zamāne

us kī rātoñ aur us kī parchhā.iyoñ ke darmiyān janam liyā

phir tū ne kisī na kisī raat aur is kī parchhā.īñ ko sameT ke

fuse hote hue bulb ko zarūr dekhā hogā

magar kyā tū dekh saktī hai

ki jab edison kā koī bulb fuse hotā hai

to us ke hisse kī raat bhī us meñ fuse ho jaatī hai

aur fuse hone vaalī raat dobāra zamīn par kabhī huī hī nahīñ

merī beTī

tū ne apnī maañ ke batn se janam lene vaalī

apnī DeḌh maah kī bahan ko marte hue nahīñ dekhā

ki jab us ke hisse kī raat us ke bulb

to us ke hisse kī raat bhī us meñ fuse ho jaatī hai

aur fuse hone vaalī raat dobāra zamīn par kabhī huī hī nahīñ

merī beTī

tū ne apnī maañ ke batn se janam lene vaalī

apnī DeḌh maah kī bahan ko marte hue nahīñ dekhā

ki jab us ke hisse kī raat us ke bulb

aur is kī parchhā.īñ bhī

us kī nannhī qabr meñ dafn ho ga.ī thī

merī beTī

zarā dekh to sahī zamīn par kitnā vaqt guzar chukā

aur kitnā vaqt guzarne ko baaqī hai

agar tū apne dil se mere dil tak ek raah banā sake

to is meñ der na kar

phir raah se raah banā

aur har us nadī meñ utar jā

jo tere baap kī umr bhar ke āñsuoñ se banī huī āñkhoñ

aur un se bane hue dukhoñ se bahtī huī aa.ī hai

merī beTī

har nadī kā intizār karte hue samundar meñ utar jā

samundar merā dil hai

us dil meñ kuchh ghaḌī ruk ke zarā dekh

ki tujh meñ ab tak kitnā zinda huuñ

so is se pahle ki

maiñ tere dekhte dekhte mar jā.ūñ

samundar meñ utar jā

mera dukh mera aabai makan hai

so

meri beTi

jahan se tere jism ki ek bund ko mahfuz rakhe hue

main anjaane safar par nikla

aur zamin bhar ke tamam dukhon mein umr bhar safar karta raha

meri beTi

tu ne in lalTenon ke mazi ko nahin dekha

jin mein har raat koi na koi aurat raushan hoti aur phir bujh jati

aur bujhi hui aurat dobara kabhi raushan nahin hui

mohabbat ne peDon ko aur peDon ne parchhaiyon ko janam diya

agar koi bujhi aurat dobara raushan ho jati

to mohabbat us ke peD aur us ki parchhaiyon ko

yakja kar ke ek nai duniya banai ja sakti thi

meri beTi

tu ne edison ke bulb ke zamane

us ki raaton aur us ki parchhaiyon ke darmiyan janam liya

phir tu ne kisi na kisi raat aur is ki parchhain ko sameT ke

fuse hote hue bulb ko zarur dekha hoga

magar kya tu dekh sakti hai

ki jab edison ka koi bulb fuse hota hai

to us ke hisse ki raat bhi us mein fuse ho jati hai

aur fuse hone wali raat dobara zamin par kabhi hui hi nahin

meri beTi

tu ne apni man ke batn se janam lene wali

apni DeDh mah ki bahan ko marte hue nahin dekha

ki jab us ke hisse ki raat us ke bulb

to us ke hisse ki raat bhi us mein fuse ho jati hai

aur fuse hone wali raat dobara zamin par kabhi hui hi nahin

meri beTi

tu ne apni man ke batn se janam lene wali

apni DeDh mah ki bahan ko marte hue nahin dekha

ki jab us ke hisse ki raat us ke bulb

aur is ki parchhain bhi

us ki nannhi qabr mein dafn ho gai thi

meri beTi

zara dekh to sahi zamin par kitna waqt guzar chuka

aur kitna waqt guzarne ko baqi hai

agar tu apne dil se mere dil tak ek rah bana sake

to is mein der na kar

phir rah se rah bana

aur har us nadi mein utar ja

jo tere bap ki umr bhar ke aansuon se bani hui aankhon

aur un se bane hue dukhon se bahti hui aai hai

meri beTi

har nadi ka intizar karte hue samundar mein utar ja

samundar mera dil hai

us dil mein kuchh ghaDi ruk ke zara dekh

ki tujh mein ab tak kitna zinda hun

so is se pahle ki

main tere dekhte dekhte mar jaun

samundar mein utar ja