insilak

kaun sā din mirī āñkhoñ ko lagegā achchhā

kaun sī raat mire ḳhvāb meñ tum aaoge

kaun sī rut meñ chaman phūloñ se bhar jā.egā

kaun se dar pe kisī roz vo dastak hogī

sab savāloñ ke javāboñ meñ hai ib.hām bahut

bāñdh kar raḳht-e-safar sil se jo ham pūchhte haiñ

dāman-e-hijr se lipTe hue ġham ik pal ko

dil ko andesha-e-taqvīm se kar ke āzād

nabz-e-ummīd chalāne kā hunar jānte haiñ

chāhtā huuñ ki kuchh aise bhī safar hoñ darpesh

jin meñ ḳhud raste musāfir ke qadam ho jaa.eñ

manzileñ dauḌ paḌeñ ḳhud se hamārī jānib

ḳhvāb-dar-ḳhvāb jaleñ lazzat-e-imkāñ ke charāġh

aur mil jaa.eñ sabhī tishna savāloñ ke javāb

kaun sa din meri aankhon ko lagega achchha

kaun si raat mere KHwab mein tum aaoge

kaun si rut mein chaman phulon se bhar jaega

kaun se dar pe kisi roz wo dastak hogi

sab sawalon ke jawabon mein hai ibham bahut

bandh kar raKHt-e-safar sil se jo hum puchhte hain

daman-e-hijr se lipTe hue gham ek pal ko

dil ko andesha-e-taqwim se kar ke aazad

nabz-e-ummid chalane ka hunar jaante hain

chahta hun ki kuchh aise bhi safar hon darpesh

jin mein KHud raste musafir ke qadam ho jaen

manzilen dauD paDen KHud se hamari jaanib

KHwab-dar-KHwab jalen lazzat-e-imkan ke charagh

aur mil jaen sabhi tishna sawalon ke jawab