intizar baqi hai

kāñptī haiñ hoñToñ par

kitnī an-kahī bāteñ

gūñjte haiñ kānoñ meñ

kitne an-sune naġhme

jhāñkte haiñ palkoñ se

uñgliyoñ ke poroñ tak

ḳhvāb kitne an-dekhe

lams an-chhue kitne

naam hai talab jis kā

mustaqil harārat hai

hasrat-o-tamannā ke

āñ.suoñ se nam lekin

an-bujhe sharāroñ kī

dā.imī masāfat hai

be-bas ārzūoñ se

dard kī rasā.ī tak

qaid se rihā.ī tak

dhaḌkanoñ kī sarhad ke

us taraf bhī imkāñ hai

jān-o-tan se bāhar bhī

zindagī farozāñ hai

aañkh jam bhī jaa.e to

saañs tham bhī jaa.e to

dil ke tah-nashīñ jazbe

ruuh meñ panapte haiñ

umr sirf mohlat hai

ishq lamha-e-dā.em

e'tibār baaqī hai

merā ġham salāmat hai

terā husn hai qaa.em

intizār baaqī hai

kanpti hain honTon par

kitni an-kahi baaten

gunjte hain kanon mein

kitne an-sune naghme

jhankte hain palkon se

ungliyon ke poron tak

KHwab kitne an-dekhe

lams an-chhue kitne

nam hai talab jis ka

mustaqil hararat hai

hasrat-o-tamanna ke

aansuon se nam lekin

an-bujhe shararon ki

daimi masafat hai

be-bas aarzuon se

dard ki rasai tak

qaid se rihai tak

dhaDkanon ki sarhad ke

us taraf bhi imkan hai

jaan-o-tan se bahar bhi

zindagi farozan hai

aankh jam bhi jae to

sans tham bhi jae to

dil ke tah-nashin jazbe

ruh mein panapte hain

umr sirf mohlat hai

ishq lamha-e-daem

e'tibar baqi hai

mera gham salamat hai

tera husn hai qaem

intizar baqi hai