انتظار

ایک آواز اس طرح آئی

جیسے تو نے مجھے پکارا ہے

یہ تصور ہے یا حقیقت ہے

آج بھی سامنے نگاہوں کے

تیرا چہرہ ہی مسکراتا ہے

خواب دیکھا تھا ایک میں نے بھی

اس کی تعبیر کیا ملی مجھ کو

اشک غم درد اور تنہائی

زندگی راس کیوں نہیں آئی

تو مرے پاس کیوں نہیں آئی

مجھ کو ہے تیرا انتظار بہت

دل بھی ہے میرا بے قرار بہت

جب بھی آہٹ سنائی دیتی ہے

مجھ کو تیرا خیال آتا ہے

اشک آنکھوں سے بہنے لگتے ہیں

اور پھر میں اداس رہتی ہوں