intizar muntazir

sukūt-e-vasl meñ kahīñ

gilās lams tishnagī

savād-e-zulf meñ chhupī

vo narm sharmgīñ hañsī

laboñ pe shabnamī qatār

gulāb patiyāñ niDhāl

gulāb pattiyoñ meñ

pairāhan kī silvaTeñ

shadīd kasmasāhaTeñ

shadīd kasmasāhaToñ meñ

karvaToñ kī siskiyāñ

nafas kā zer-o-bam liye

vo chaḌh ke Dūbtī nadī

nadī kī ret meñ badan

badan ke ḳhadd-o-ḳhāl pe

vo chāñdnī kī be-ḳhudī

sukūt-e-vasl meñ kahīñ

kalā.iyoñ ke darmiyāñ

chaTaḳhtī chubhtī chūḌiyāñ

chaTaḳhtī chubhtī chūḌiyoñ meñ

iltijā vafā duā

adhūrī shab kī ḳhāmushī

meñ āhaToñ kī hichkiyāñ

aur āhaToñ kī hichkiyoñ meñ

aag raushnī badan

gilās lams tishnagī

charāġh taaq bām-o-dar

galī meñ niim kā shajar

shajar ke saa.e meñ makāñ

makān meñ barāmda

barāmde ke darmiyāñ

niboliyāñ niboliyāñ

barāmde kī zard raushnī

meñ Dūbtī ubhartī tez saañs

kuchaltī in niboliyoñ pe tez chaap

galī kī raah par nazar

shajar ke saa.e meñ

makān muntazir

charāġh muntazir

udaas ġham-zada niDhāl ḳhvāb muntazir

intizār muntazir

sukut-e-wasl mein kahin

gilas lams tishnagi

sawad-e-zulf mein chhupi

wo narm sharmgin hansi

labon pe shabnami qatar

gulab patiyan niDhaal

gulab pattiyon mein

pairahan ki silwaTen

shadid kasmasahaTen

shadid kasmasahaTon mein

karwaTon ki siskiyan

nafas ka zer-o-bam liye

wo chaDh ke Dubti nadi

nadi ki ret mein badan

badan ke KHadd-o-KHal pe

wo chandni ki be-KHudi

sukut-e-wasl mein kahin

kalaiyon ke darmiyan

chaTaKHti chubhti chuDiyan

chaTaKHti chubhti chuDiyon mein

iltija wafa dua

adhuri shab ki KHamushi

mein aahaTon ki hichkiyan

aur aahaTon ki hichkiyon mein

aag raushni badan

gilas lams tishnagi

charagh taq baam-o-dar

gali mein nim ka shajar

shajar ke sae mein makan

makan mein baramda

baramde ke darmiyan

niboliyan niboliyan

baramde ki zard raushni

mein Dubti ubharti tez sans

kuchalti in niboliyon pe tez chap

gali ki rah par nazar

shajar ke sae mein

makan muntazir

charagh muntazir

udas gham-zada niDhaal KHwab muntazir

intizar muntazir