iqbaal ek kitab

dosto añgrez ne iqbāl ko

denā chāhā jis ghaḌī sir kā ḳhitāb

shā.ir-e-mashriq ne un se yuuñ kahā

maiñ use aise nahīñ lūñgā janāb

haiñ mere ustād ilm-o-fazl meñ

be-misāl-o-be-nazīr-o-lā-javāb

pahle ye e.azāz un ko dījiye

shauq se phir us ko maiñ lūñgā janāb

bolā yuuñ añgrez ki likkhī nahīñ

aap ke ustād ne koī kitāb

sāhab-e-tasnīf jab tak vo na hoñ

de nahīñ sakte unheñ sir kā ḳhitāb

bole iqbāl aap ne dekhī hai kyā

mujh se baḌh kar bhī kahīñ koī kitāb

maanī āḳhir shā.ir-e-mashriq kī baat

rah gayā añgrez ho ke lā-javāb

dosto angrez ne iqbaal ko

dena chaha jis ghaDi sir ka KHitab

shair-e-mashriq ne un se yun kaha

main use aise nahin lunga janab

hain mere ustad ilm-o-fazl mein

be-misal-o-be-nazir-o-la-jawab

pahle ye eazaz un ko dijiye

shauq se phir us ko main lunga janab

bola yun angrez ki likkhi nahin

aap ke ustad ne koi kitab

sahab-e-tasnif jab tak wo na hon

de nahin sakte unhen sir ka KHitab

bole iqbaal aap ne dekhi hai kya

mujh se baDh kar bhi kahin koi kitab

mani aaKHir shair-e-mashriq ki baat

rah gaya angrez ho ke la-jawab