is ahd ka insan

ham vo insān haiñ

jin kī dahshat se sahme hue haiñ darinde talak

ham vo insān haiñ

dam-ba-ḳhud jin ke shar se hai shaitān bhī

ham vo insān haiñ

apne hī ḳhuun meñ haath jin ke haiñ lithḌe hue

ham vo insān haiñ

duudh piite bilakte hue tifl se bhī jinheñ ḳhauf hai

ham vo insān haiñ

apnī vahshat meñ jo

masjidoñ mandiroñ dars-gāhoñ kalīsāoñ tak ko nahīñ baḳhshte

ham vo insān haiñ

jo faqat rang aur nasl ke farq par

maslak-o-dīn ke naam par

ḳhuuñ bahāte haiñ nāhaq baḌe faḳhr se

aisī pastī kī daldal meñ ham dhañs chuke

jis se bāhar nikalne kī koī bhī sūrat nahīñ

haañ magar ek rassī to hai

saare mil kar use ham agar thaam leñ

ḳhauf vahshat adāvat kī daldal se bāhar nikal ā.eñge

ahd-e-hāzir ke insāñ ke dāmān par

jitne bhī daaġh haiñ

saare dhul jā.eñge

hum wo insan hain

jin ki dahshat se sahme hue hain darinde talak

hum wo insan hain

dam-ba-KHud jin ke shar se hai shaitan bhi

hum wo insan hain

apne hi KHun mein hath jin ke hain lithDe hue

hum wo insan hain

dudh pite bilakte hue tifl se bhi jinhen KHauf hai

hum wo insan hain

apni wahshat mein jo

masjidon mandiron dars-gahon kalisaon tak ko nahin baKHshte

hum wo insan hain

jo faqat rang aur nasl ke farq par

maslak-o-din ke nam par

KHun bahate hain nahaq baDe faKHr se

aisi pasti ki daldal mein hum dhans chuke

jis se bahar nikalne ki koi bhi surat nahin

han magar ek rassi to hai

sare mil kar use hum agar tham len

KHauf wahshat adawat ki daldal se bahar nikal aaenge

ahd-e-hazir ke insan ke daman par

jitne bhi dagh hain

sare dhul jaenge