is baat ka dekho dhyan rahe

tum aksar kahte rahte ho

phūloñ kā kyā hai

kuchh der meñ murjhā jaate haiñ

aur ye rāteñ chāñdī sī

do din kī kahānī hai un kī

lamhoñ meñ bikhar kar rah jaatī hai

motī kī tarah shabnam kī laḌī

maiñ aksar sochā kartī huuñ

kyā mausam-e-gul hī sab kuchh hai

aur ḳhvāb-e-bahārāñ kuchh bhī nahīñ

billor se tarshī mūrat se alag

kyā aks-e-nigārāñ kuchh bhī nahīñ

muTThī meñ jo aa jaa.e daulat hai

aur shauq tirā vaañ kuchh bhī nahīñ

mahtāb kī rañgat dekhī hai

tāroñ kī sajāvaT dekhī hai

aur qaus-e-quzah kī rañgīnī

ambar kī jabīñ par dekhī hai

nazroñ kā faqat dhokā hī sahī

lekin achchhā lagtā hai

tum apne ḳhayāloñ ke bādal se

anvār-e-sahar ko bātil Thahrāo

andeshoñ ke taane baane se

ḳhushbū ko shikanjoñ meñ kas do

tāroñ kī qabā-e-zar dhuñdlā do

mahtāb kī khetī pāmāl karo

kis tarah basar hoñ shām-o-sahar

tārīk hai shab mushkil hai safar

manzil kī nahīñ raahī ko ḳhabar

man merā vīrān sahī barbād sahī

hai is se jhilmil rāhguzar

ḳhushbū ke Dagar chāñdī ke nagar

gītoñ ke shajar tāroñ ke samar

palkoñ pe charāġhāñ kā manzar

tum aah bharo bhī to dhīre se

aisā na ho sab kuchh bujh jaa.e

is baat kā dekho dhyān rahe

tum aksar kahte rahte ho

phulon ka kya hai

kuchh der mein murjha jate hain

aur ye raaten chandi si

do din ki kahani hai un ki

lamhon mein bikhar kar rah jati hai

moti ki tarah shabnam ki laDi

main aksar socha karti hun

kya mausam-e-gul hi sab kuchh hai

aur KHwab-e-bahaaran kuchh bhi nahin

billor se tarshi murat se alag

kya aks-e-nigaran kuchh bhi nahin

muTThi mein jo aa jae daulat hai

aur shauq tera wan kuchh bhi nahin

mahtab ki rangat dekhi hai

taron ki sajawaT dekhi hai

aur qaus-e-quzah ki rangini

ambar ki jabin par dekhi hai

nazron ka faqat dhoka hi sahi

lekin achchha lagta hai

tum apne KHayalon ke baadal se

anwar-e-sahar ko baatil Thahrao

andeshon ke tane bane se

KHushbu ko shikanjon mein kas do

taron ki qaba-e-zar dhundla do

mahtab ki kheti pamal karo

kis tarah basar hon sham-o-sahar

tarik hai shab mushkil hai safar

manzil ki nahin rahi ko KHabar

man mera viran sahi barbaad sahi

hai is se jhilmil rahguzar

KHushbu ke Dagar chandi ke nagar

giton ke shajar taron ke samar

palkon pe charaghan ka manzar

tum aah bharo bhi to dhire se

aisa na ho sab kuchh bujh jae

is baat ka dekho dhyan rahe