is dharti ke tare hum hain

ye ma.azūr bekas ġhabī zehnī bachche

haiñ insāñ nahīñ koī maaTī ke putle

zabāñ se haiñ gūñge samā.at se aarī

banāo na in ko saḌak ke bhikārī

haiñ pur-pech-tar in kī hastī ke raste

ki pur-soz jaise hoñ bansī ke naġhme

sarāpe ko un ke na be-kār kahnā

ye haiñ zindagī kā hasīñ ek gahnā

kabhī ye hañsā.eñ kabhī ruuTh jaa.eñ

diloñ se ġhamoñ kī lakīreñ miTā.eñ

ye naT-khaT haTīle bahut chulbule haiñ

adāoñ meñ in kī ajab valvale haiñ

kaTī uñgliyāñ haiñ musavvir baneñge

apāhij sahī phir bhī tājir baneñge

mohabbat kā sīnoñ meñ jazba jagāo

samājī farīze ko apne nibhāo

ye ik farz aisā ki rāhat hai is meñ

chhupī ibn-e-ādam kī azmat hai is meñ

inheñ ġhaur se tum ghaḌī bhar jo dekho

mashiyyat hai qudrat kī kuchh is ko samjho

sulūk un se rakkho mohabbat vafā kā

sila pāoge tum bhī be-shak jazā kā

inheñ bhuul kar na kabhī duur rakhnā

'adīm' in sitāroñ ko māmūr rakhnā

ye mazur bekas ghabi zehni bachche

hain insan nahin koi maTi ke putle

zaban se hain gunge samaat se aari

banao na in ko saDak ke bhikari

hain pur-pech-tar in ki hasti ke raste

ki pur-soz jaise hon bansi ke naghme

sarape ko un ke na be-kar kahna

ye hain zindagi ka hasin ek gahna

kabhi ye hansaen kabhi ruTh jaen

dilon se ghamon ki lakiren miTaen

ye naT-khaT haTile bahut chulbule hain

adaon mein in ki ajab walwale hain

kaTi ungliyan hain musawwir banenge

apahij sahi phir bhi tajir banenge

mohabbat ka sinon mein jazba jagao

samaji farize ko apne nibhao

ye ek farz aisa ki rahat hai is mein

chhupi ibn-e-adam ki azmat hai is mein

inhen ghaur se tum ghaDi bhar jo dekho

mashiyyat hai qudrat ki kuchh is ko samjho

suluk un se rakkho mohabbat wafa ka

sila paoge tum bhi be-shak jaza ka

inhen bhul kar na kabhi dur rakhna

'adim' in sitaron ko mamur rakhna