is zamana ki mohabbat

husn kī ham ne haqīqat dekh lī

ishq kī ham ne musībat dekh lī

zāhidoñ kī ham ne sangat dekh lī

aur rindoñ kī bhī sohbat dekh lī

hai zamāne meñ mohabbat naam ko

is zamāne kī mohabbat dekh lī

jis vafā par ham ko itnā naaz thā

us vafā kī ham ne qīmat dekh lī

ek aalam meñ hai hangāmoñ kā shor

ham ne duniyā meñ qayāmat dekh lī

haq ko bhī dhokā duāoñ ne diyā

haq ne bandoñ kī ibādat dekh lī

tere sheroñ ko jo dekhā ai 'purī'

dard-e-dil kī un meñ hasrat dekh lī

husn ki hum ne haqiqat dekh li

ishq ki hum ne musibat dekh li

zahidon ki hum ne sangat dekh li

aur rindon ki bhi sohbat dekh li

hai zamane mein mohabbat nam ko

is zamane ki mohabbat dekh li

jis wafa par hum ko itna naz tha

us wafa ki hum ne qimat dekh li

ek aalam mein hai hangamon ka shor

hum ne duniya mein qayamat dekh li

haq ko bhi dhoka duaon ne diya

haq ne bandon ki ibaadat dekh li

tere sheron ko jo dekha ai 'puri'

dard-e-dil ki un mein hasrat dekh li