isfanj ki andhi siDhiyon par

mujhe us generator kī talāsh hai

jo sayyāroñ ko bijlī supply kartā hai

aur jis ke current se mere cell raushan hote haiñ

maiñ ne ek aadmī ke māthe par

ġhurūr-e-sajādgī ke gulāb dekhe

vahāñ chhoTī īñToñ kī dīvār par ism-e-siyādat chamaktā hai

phir havā ne Tiin kī chādareñ gardanoñ par pheñkīñ

maa.eñ niiñd se laḌne lagīñ

baap āñgan ko parvāz se rokte rahe

aur zamīn ke nīche maayā kī degeñ saraktī rahīñ

bakriyoñ ne shor kiyā

pahlauTī vaalā do

pahlauTī vaalā do

vo dekho isfanj kī andhī sīḌhiyoñ par

nāḳhun ke ba.ad nāḳhun

safar safar safar

ghūmte hue pahiye

TūTte hue break

ek inch meñ hazār inch ġhubār

aur schōl uniform

ham gear badalne se pahle hī

danger zone meñ kyuuñ dāḳhil ho jaate haiñ

būḌhā driver sochtā hai

rānoñ ke cross par chehre kī haDDī kis ḳhatre kā nishān hai

mujhe us generator ki talash hai

jo sayyaron ko bijli supply karta hai

aur jis ke current se mere cell raushan hote hain

main ne ek aadmi ke mathe par

ghurur-e-sajadgi ke gulab dekhe

wahan chhoTi inTon ki diwar par ism-e-siyaadat chamakta hai

phir hawa ne Tin ki chadaren gardanon par phenkin

maen nind se laDne lagin

bap aangan ko parwaz se rokte rahe

aur zamin ke niche maya ki degen sarakti rahin

bakriyon ne shor kiya

pahlauTi wala do

pahlauTi wala do

wo dekho isfanj ki andhi siDhiyon par

naKHun ke baad naKHun

safar safar safar

ghumte hue pahiye

TuTte hue break

ek inch mein hazar inch ghubar

aur school uniform

hum gear badalne se pahle hi

danger zone mein kyun daKHil ho jate hain

buDha driwer sochta hai

ranon ke cross par chehre ki haDDi kis KHatre ka nishan hai