ishq apne mujrmon ko pa-ba-jaulan le chala

daar kī rassiyoñ ke gulū-band gardan meñ pahne hue

gaane vaale har ik roz gaate rahe

pāyaleñ beḌiyoñ kī bajāte hue

nāchne vaale dhūmeñ machāte rahe

ham na is saf meñ the aur na us saf meñ the

rāste meñ khaḌe un ko takte rahe

rashk karte rahe

aur chup chaap aañsū bahāte rahe

lauT kar aa ke dekhā to phūloñ kā rañg

jo kabhī surḳh thā zard hī zard hai

apnā pahlū TaTolā to aisā lagā

dil jahāñ thā vahāñ dard hī dard hai

gulū meñ kabhī tauq kā vāhima

kabhī paañv meñ raqs-e-zanjīr

aur phir ek din ishq unhīñ kī tarah

rasan-dar-gulū pā-ba-jaulāñ hameñ

usī qāfile meñ kashāñ le chalā

dar ki rassiyon ke gulu-band gardan mein pahne hue

gane wale har ek roz gate rahe

payalen beDiyon ki bajate hue

nachne wale dhumen machate rahe

hum na is saf mein the aur na us saf mein the

raste mein khaDe un ko takte rahe

rashk karte rahe

aur chup chap aansu bahate rahe

lauT kar aa ke dekha to phulon ka rang

jo kabhi surKH tha zard hi zard hai

apna pahlu TaTola to aisa laga

dil jahan tha wahan dard hi dard hai

gulu mein kabhi tauq ka wahima

kabhi panw mein raqs-e-zanjir

aur phir ek din ishq unhin ki tarah

rasan-dar-gulu pa-ba-jaulan hamein

usi qafile mein kashan le chala