ishq-e-watan

ishq-e-vatan meñ jab se dīvāna ho gayā huuñ

paidā shajar ho jis se vo daana ban gayā huuñ

be-shak zamīñ meñ mujh ko ḳhush ho ke ab milā tū

dard-e-zabāñ huuñ sab kā afsāna ho gayā huuñ

qurbān huuñ adū ke zor-e-sitam ke sadqe

sah sah ke ranj-o-ġham ko mardāna ho gayā huuñ

dil meñ charāġh jab se raushan huā vatan kā

parvā na jo ki kuchh bhī parvāna ho gayā huuñ

saaqī sharāb terī ab kyā asar karegī

hubb-e-vatan kī mai pī mastāna ho gayā huuñ

tāsīr-e-ishq yaaro dekhī tirī nirālī

pī pī sharāb-e-ulfat begāna ho gayā huuñ

ishq-e-watan mein jab se diwana ho gaya hun

paida shajar ho jis se wo dana ban gaya hun

be-shak zamin mein mujh ko KHush ho ke ab mila tu

dard-e-zaban hun sab ka afsana ho gaya hun

qurban hun adu ke zor-e-sitam ke sadqe

sah sah ke ranj-o-gham ko mardana ho gaya hun

dil mein charagh jab se raushan hua watan ka

parwa na jo ki kuchh bhi parwana ho gaya hun

saqi sharab teri ab kya asar karegi

hubb-e-watan ki mai pi mastana ho gaya hun

tasir-e-ishq yaro dekhi teri nirali

pi pi sharab-e-ulfat begana ho gaya hun