ishq ki baaten

vo jitne rang malāl ke haiñ

ham kyā jāneñ kis haal ke haiñ

ham raahī dasht-e-ḳhayāl ke haiñ

aur saa.il ek visāl ke haiñ

ham hijr kī maar se Darte haiñ

aur ishq kī bāteñ karte haiñ

ham aql ke tāne-bāne haiñ

mat samjho ham mastāne haiñ

in rāhoñ se begāne haiñ

bas naam ke hī dīvāne haiñ

ham nām-o-numūd pe marte haiñ

aur ishq kī bāteñ karte haiñ

ham hosh ke shahr meñ rahte haiñ

aur mauj-e-tarab meñ bahte haiñ

kab kaun sā sadma sahte haiñ

bas ḳhvāb kā qissa kahte haiñ

ham jhūTī aaheñ bharte haiñ

aur ishq kī bāteñ karte haiñ

wo jitne rang malal ke hain

hum kya jaanen kis haal ke hain

hum rahi dasht-e-KHayal ke hain

aur sail ek visal ke hain

hum hijr ki mar se Darte hain

aur ishq ki baaten karte hain

hum aql ke tane-bane hain

mat samjho hum mastane hain

in rahon se begane hain

bas nam ke hi diwane hain

hum nam-o-numud pe marte hain

aur ishq ki baaten karte hain

hum hosh ke shahr mein rahte hain

aur mauj-e-tarab mein bahte hain

kab kaun sa sadma sahte hain

bas KHwab ka qissa kahte hain

hum jhuTi aahen bharte hain

aur ishq ki baaten karte hain